امسح دموعي ........... الشاعر ابو احمد

امسح دموعي مره
بايديك الجميلة 
واربط علي كتفي
مفيش باليد حيلة
خليني أعيش ولو ثوان
ما بين سعادتي بلمستك
وبين حيرتي الكبيره
خليني أحس اني اتولدت
من جديد
وقلب فك طلاسم الشفرة
الحديد
وإياك تصدق أني ممكن
ابيع معاك عهد السنين
خليني أعيش وياك ثواني
من جديد
انا ياما قلبي نام حزين
وانا دمعتي بخدي تسيل
والاكيد فضل الأمل ف المستحيل
واقول ها يجي يوم يحس بغلطته
ها يجي يوم يحن و يوم يميل
ويداوي قلبي اللي انجرح
ويداوي قلبي اللي اتوجع
علي هجره ليا وفرقته
امسح بايدك ع الجروح
وداوي قلبي اللي اتظلم
وإياك تفوتني تاني إياك تروح
قبل ما تداوي الألم قبل الجروح
لسه الأماني والحنين
جوايا ليك مدوباني حنين
نفسي تاخدني قوام بعيد
رجعني أعيش احلامي تاني
حسسني مره بالأمان ولو ثوان
خليني اغمض طب عنيا
واحلم بضمك بين أيدي
خليني اردك طب اليا
ولحضني تاني أو عنيا
دا انا ياما نمت ودموعي
علي خدي سيل من غير بكا
وياما قلت ياناس قولول وفهموه
و قلبي كان هو الضحيه
طبطب عليا و ضمني
احضني تاني وانسى مكاني
وانسى الاسية شويه
محتاجه امسح دمعتي
خليني انسي وحدتي
وانسى الاسيه معاك شويه
انا كنت معزوله بحياتي
عن الحياه و اكتر ياروحي
خليني ارجع للحياه بيك حبيبي
خليني أحس أن رجع لي نصيبي
من غير دموع من غير عذاب
لملم جروحي م الضلوع
حن عليا بعد الاسيه